ÌGBÀGBỌ́ YORÙBÁ ÀTI OJÚ ÀMÚWÁYÉ ÀWỌN ÒṢÈRÉ OLÓRIN NÍPA ORÍ NÍ ÀWÙJỌ YORÙBÁ

Abstract

Àṣàmọ̀

Méjì ni ọ̀rọ̀ orí pín sí ní àwùjọ Yorùbá, orí inú àti orí òde. Orí inú ni èyí tí ó wà nínú nígbà tí orí òde sì jẹ́ èyí tí ó wà ní ìta tí ọrùn gbé dúró. Yorùbá gbágbọ́ nípa orí púpọ̀. Wọn kì í fi ọ̀rọ̀ nípa orí ṣe àwàdà rárá. Àlàfo àyè tí ìṣẹ́ àpilẹ̀kọ yìí fẹ́ dí ni pé, kò sì irúfẹ́ ènìyàn tí ó wa láwùjọ tí kò mo bí ọ̀rọ̀ orí ṣe jẹ́ pàtàkì tó. Ìdí nìyí tí a fi wòye pé kí a gbíyànjú láti fi ojú tí àwọn òǹkọrin tàbí apohùn fi wo ọ̀rọ̀ orí hàn fáráyé láwùjọ Yorùbá. A ṣàyẹ̀wò iṣẹ́ àwọn òǹkọrin díẹ̀ bí i Síkírù Ayìndé Barister, Kolinton Àyìnlá, Saheed Òṣùpá àti Sunny Ade àti èro wọn nípa orí, a tún wo àwọn òwe Yorùbá díẹ̀ tí o sọ̀rọ̀ nípa orí. Bákan náà ní a gbìyànjú láti jẹ́ kí á mọ ìgbágbọ́ Yorùbá nípa orí. À fìdí ìgbàgbọ́ Yorùbá nípa orí múlẹ̀ nínú àdúrà tí wọ́n máa ń gbà wí pé, orí ló gbe ológún ẹrú lọ́jọ́sí, òun náà ló gbe ọlọ́gbọ̀n ìwọ̀fà, kí Elédùmàrè jẹ́ ki orí tàwọn náà gbè wọ́n.